IPUINAK KONTATU

Ipuinak kontatu:

. ume eta gazteen irakurzaletasuna bultzatzen ari gara. Adin bakoitzari egokitutako ipuinak aukeratu behar dira, beraien gustokoak eta jakinminak kontuan hartuz. Adibidez:
- Txikiekin: magia sortzen eta irudimena bultzatzen dutenak.
- Nagusiekin: ipuin erotikoak oinarria izan daiteke sexualitateaz hitz egiteko.

. Interesgune bat aukeratuta, ipuina horrekin lotu ahal da eta egunero pasadizo bat kontatu. Adibidez:
- Pertsonaiak aukeratuta aurreko egunean gertatu zitzaiena kontatu.
- Ekintza bat burutu baino lehen pertsonaia horiekin lotu.

. Gaubeletarako baliabide onak dira ipuinak:
- Misterio modukoak edo mitologiako kondairak oso interesgarriak izan daitezke. Ipuin mitologikoari dagokionez kontuz ibili behar da mezuarekin, batzuetan oso sexistak izan daitezkeelako eta ondo legoke mezu horri buelta ematea.

. Ingurune bat sortu behar da beti, honetarako musika, irudiak, ipuinarekin zerikusia duten objetuak erabili behar dira, kondairaren gertakizunak hurbil kokatzea ere ondo dago, baina ipuinean sartzeko errazena iluntasuna da.

. Ipuina kontatzen den bitartean interakzioa zihurtatu behar da, entzuleei galderak eginez, eta bide batez imaginazioa garatuko dute. Adibidez:
- Galdera tipikoaz"... Eta ezetz jakin zer gertatu zen orduan?". Hauen bidez, ezustekoak sartu behar dira, sustoak nondik ateratzen diren inork ez dakien soinuak, argi efektuak, mozorrotutako antzezleak...

. Ipuin kontalariak arreta erakartzea lortu behar du. Honetarako bide bat beraiei galdetzea da:
- " Nahi duzue ipuina entzun? ", " Ba orduan belarriak erabili behar ditugu eta ez ahoa, ea, belarriak ondo garbitu".

. Beste era oso eraginkor bat erlajazio teknikak erabiltzea da, arnasketa bidez eta beraien irudimenean eta begiak itxita egoerak planteatuz eta beraiek imaginatzea nola garatzen diren hauek, oso hasiera ona izan liteke ipuin baterako.

Ipuinak begiraleek kontatu ahal dituzte edota umeak eta gazteak ere aukeratu eta kontatu.